BALITANG IMPRASTRAKTURA: Mga Dalan Alang sa Kaayuhan

Ang Lokal nga Panggamhanan sa Panabo padayon nga naga-implementa og nagkadaiyang mga proyekto alang sa kaayuhan sa katawhan sa syudad ug aron hapsay ang ilahang pang-adlaw-adlaw nga panginabuhi karon hantod sa mga umaabot nga kataguin, usa na diri ang pag-ayo ug pang-konkreto sa mga dalan sulod sa mga barangay.

Usa sa mga priority areas sa administrasyon ni City Mayor Engr. James G. Gamao, inubanan sa ika-pitong konseho mao ang imprastraktura o ang pagtukod ug mga pasibilidad alang sa benepisyo sa kadaghanan.

Sulod sa Enero hantod Setyembre 2018, natagaan ug hustong pagtagad ang panginahanglanon sa mga katawhan sa mga lagyo o rural barangays bahin sa pagpa-konkreto sa ilahang mga kadalanan, pipila niini mao ang dalan sa Purok 7 sa Barangay Manay, dalan sa Purok 3 sa Barangay Maduao, ang dalan atubangan sa Barangay Hall sa Barangay Sindaton, and dalan sa Baracuda Street sa Barangay San Pedro, and dalan sa National Highway corner APL Yard hantod Brgy, Datu Abdul, dalan sa Purok 7 ug Road 1 Glodo Subdivision sa Barangay San Francisco.

Dugang pa niini ang pag-konkreto sa dalang Duterte Extension sa Barangay Salvacion, ang dalan sa Magsaysay Extension (Waray Road) sa Barangay Sto. Nino, ang dalan sa Purok Lomboy padulong sa Barangay Hall sa Barangay Cagangohan, ang dalan sa Molave ug Bonifacio sa Barangay New Pandan, ug ang dalan Purok Pantukan ug sa Coastal Diversion Road padulong sa Mangrove Eco-Tourism Boardwalk sa Barangay J.P. Laurel.

Napaayo pud ang kadalanan sa San Isidro sa Barangay New Pandan ug ang dalan padulong Southview sa Barangay Southern Davao.

Ang pagpa-konkreto ug pag-ayo sa kadalanan sa matag lain-laing barangay sa Panabo nagapasabot nga padayon ang paglambo sa atong syudad, kay kini magsilbing paagi aron hapsay ang pagpamuyo, pagbyahe ug pagpamasahero sa atong mga katawhan sa mga kadalanan. Dakong tabang usab kini aron mailhan pa ang Panabo isip usa ka progresibong lungsod. Padayon pa ang pag-ayo o sa pagpasemento sa dalan sa uban pang barangay diri sa lungsod ug aron pa mahapsay ang mga kadalanan sa tagsa-tagsang lugar diri sa Panabo.

by Rodelyn S. Rico & Jennie Rose I. Quintero (Contributors – CIO Panabo)

Categorized in Featured News , InfraPanalo

Related Posts

LATEST