Menu

Usa ang Panabo City sa mga midaog sa gipahitabong Malinis at Masaganang Karagatan Regional Search for Outstanding Coastal Community 2021 sa tibook rehiyon sa davao pinaagi sa pagsungkit sa pang-unom nga pwesto. Base kini sa gipagawas nga post sa Bureau of Fisheries and Aquatic Resources Region XI adtong Enero 11, 2022.

Gipatugbawan sa maong programa ang mga inisyatibo ug programa sa matag ahensiya sa gobyerno nga malikayan ang pagdaot sa kadagatan. Inubanan sa suporta sa Lokal nga Panggamhanan sa siyudad, pinaagi sa City Agriculture Office, wala nagpaulahi ang dakbayan sa paghatag og saktong serbisyong pangdagat nga makahatag og panginabuhi sa mga katawhan.

Sumala pa ni City Agriculturist Samuel N. Anay, ang kadaogan nagapamatuod nga adunay paglantaw ang gobyerno sa mga mangingisda. Nagmalaomon usab si Anay nga sa sunod nga mga katuigan, mas maningkamot pa ang CAGRO nga makuha ang top spot sa MMK. “Aduna kitay responsibildad na ayuhon ang atong kadagatan kay adunay nagadepende ang panginabuhi dinha. We aim to protect, improve, and develop the coastal areas of our city,” dugang pa niya.

Sa dugang nga kahibalo, adunay upat (4) ka coastal barangays ang Panabo City. Mao lang pud ang adunay Mariculture Project sa rehiyon.

Alang sa dugang impormasyon, mamahimong bisitaha ang link:https://www.facebook.com/100009731166984/posts/1667309003603456/?d=n

l M. Lagura
Photo: Bfar Region XI

Categorized in Featured , News Release

Related Posts

LATEST