Menu

Hulyo 26, 2022 – Di madugay, masmapalapdan pa ang mga serbisyo nga mahatag sa Davao Light and Power Company (DLPC) sa siyudad sa Panabo ug sa mga silingan nga mga munisipyo inig matukod na ang ilang bagong Davao Light Panabo Substation sa Cabaluna St., Barangay Gredu.

Mismo si City Mayor Jose E. Relampagos ang niuna sa groundbreaking ceremony nga gipahigayon sa 2,800 sqm nga luna kauban ang DLPC President and COO Rodger S. Velasco, mga DLPC Executives, ug LGU representatives. Ang pagbutang sa bagong substation usa ka dakong tabang sa mga residente hilabi na sa mga rural areas nga mahatagan sila og serbisyo gikan sa DLPC.

Sumala pa ni Assistant Vice President for Engineering Support (DLPC) Enriczar Tia nga adunay rason ngano ang DLPC nag tukod og bagong istasyon sa Panabo City. “Una, provides the needing capacity of this area and Panabo city is growing very fast so we need expansion. So we build something new technology, digital substation, remotely monitor and controlled substation,” Sulti pa niya. “Also, reliable service and to ensure enough ang atong power supply.”

Mihatag usab og mensahe si City Mayor Jose E. Relampagos kung diin gipasalamatan niya ang DLPC sa ilang serbisyo sa katawhan. Ingon pa niya, “Always gina appreciate mo sa mga tao tungod sa good performance ug good delivery sa inyohang kuryente. Mao na nga always padayon sa pag grow sa inyohang kompanya kay kana maka lipay pud sa siyudad sa Panabo.”

Ingon pa ni President and COO (DLPC) Rodger S. Velasco nga ang Panabo branch magserbisyo sa Panabo City, Municipalities of Carmen, B.E Dujali ug Sto. Tomas. “More than triple ang number sa amoang customers so more than triple and growth. So that’s why nag sprout ang mga substation diri sa Panabo and we have the responsibility,” dugang pa ni President and COO (DLPC) Velasco.

Magsugod ang construction sa Davao Light Panabo Substation ugma, Hulyo 27, ug laoman nga mahuman sulod sa 18-24 ka bulan.

Mi-duyog sa groundbreaking ceremony sila City Engineer Bernardo C. Rabanos Jr, City Budget Officer Joven Sepe, Information Officer Michael Angelo Resueño, Barangay Gredu Captain Hon. Reynaldo Ginsola, PLT. Aspellaga, Panabo City Chamber of Commerce President Dr. Rey Gulane, ug mga personahe sa DLPC.

| M. Gentiles
📸 R. Cayas

Categorized in Featured , News Release

Related Posts

LATEST