Menu

Gisaulog sa siyudad sa Panabo ang pagselebrar sa Santacruzan 2022 adtong May 31, 2022 kauban ang napulo (10) ka mga reyna isip paghinumdom sa pagpangita sa tinuod nga Krus ni Reyna Helena.

Bag-o nagsugod ang prosesyon, gipangunahan ni Rev. Fr. Allan Alendajao na kasamtangang Kora Paroko sa Sto. Niño Parish ang Thanksgiving Mass. Human sa santos nga misa, hinay-hinay nga mibaktas ang mga reyna kauban ilahang mga escort.

Matod pa sa kasamtangang Reyna Elena karong tuiga na si Angelina Flojo, dili masukod iyang kalipay kay dugay na niya ginahandom nga maapil sa maong Santacruzan. Dungag pa niya nga mas dapat gina selebra kini matag tuig kay nindot kini na pama-agi para mas makat-on ang katawhan kung unsa gyod ang maong importansya sa pagsaulog niini.

Nagpadayag sab ug mensahe si Kyla Faith usa ka mananan-aw na nindot iyang experience karong tuiga na Santacruzan ug naglaom siya na mas mapadayon ang nasangpit nga event. Dako iyang kalipay kay inklusibo ang maong aktibidades.

Anaa sa selebrasyon si Executive Assistant III Jo-anne R. Capuyan, City Administrator Pedrito A. Misoles, City Human Resource Manage Office Hean Jan Marie Cafe, City Civil Service Office Asst. Dept. Head Libertad V. Regis, City Information Officer Michael Angelo A. Resueño, National Agencies ug ubang organisasyon.

✍️ Kerwin Estaca, Tim Acebedo, CIO-PIRO
📸 Erick Etis & Quinn Villahermosa, CIO-MULTIMEDIAC

Categorized in Featured , News Release

Related Posts

LATEST