Menu

Gitubag og giklaro sa Lokal nga Panggamhanan ang mga reklamo kabahin sa daang sementeryo sa gipahitabong public consultation diin pipila ka mga katawhan sa Panabo nga adunay pay mga minahal sa kinabuhi sa maong sementeryo ang mitambong sa ARF Gym, Panabo City adtong June 1, 2022.

Giklaro ni City Economic Enterprise Management and Development Office (CEEMDO) Head Nemesio L. Rasgo, Jr. nga ang order ni City Mayor Jose E. Relampagos kay i-bulldoze lamang ang mga wala nay mga sulod nga mga pantyon aron malimpyo ang hugaw sa Public Old Cemetery diin gipasabot ni Mayor Relampagos ngano nagpatawag siya og public consultation kay aron madungog ang tingog sa katawhan nga adunay kabalaka sa isyu sa daang sementeryo.

Misaad si Mayor Relampagos nga mangita siya og pamaagi nga maminusan ang gasto sa pagbalhin sa mga bukog sa mga minatay aron matabangan ang katawhan nga adunay kakulangan sa pagpabalhin niini. Ani pa niya, “Paningkamotan nako nga wala nay bayad ang pagtransfer sa mga mahal nato sa kinabuhi ngadto sa bag-ong pambublikong sementeryo nato.”

Sa ulahing bahin sa panagpulong, nagpahigayon og open forum aron madungog sa mga opisyales sa Lokal nga Panggamhanan ang mga mulo sa mga partisipante. Pangutana sa usa ka concerned citizen nga si Geralyn Algodon nga kung bungkagon ang pantyon pwede ba siya maingnan una. Ani pa niya, “Unsa ang mga process aron mabalhin nako akong minahal nga naa didtoa? Ug mohangyo ako nga maingnan daan bag-o bungkagon ang pantyon sa akong minahal didtoa.”

Sumala sa CEEMDO nga sa kataposan sa Hunyo, mahumanay na ang bag-ong gitukod nga Bone Crypt Building sa Panabo City Eternal Garden. Sa mga boluntaryong magtransfer sa mga bukog sa mga minatay ug kung unsa ang proseso niini, mamahimong muadto sa CEEMDO nga nahimotang sa Panabo Bus Terminal.

Ang maong kalihokan gipahitabo sa ARF Gym, Barangay New Pandan Panabo City adtong Hunyo 1,2022.

Anaa sa kalihokan sila Vice Mayor-elect Hon. Gregorio U. Dujali III, City Councilor-elect Omar Ranain, City Legal Officer Atty. Chervin C. Paculanang, City General Services Office Head Madera M. Bautista, City Engineer’s Office Head Engr. Bernardo C. Rabanoz Jr., City Health Officer Dr. Algae Rose A. Hechanova, CADO Assistant Department Head Brenda A. Sauping, CCRO Assistant Department Head Libertad V. Regis, City Information Officer Michael Angelo A. ResueƱo, Zoning Officer Karen Maquilan ug DavNor Boardmember Fraklin Gentiles isip audience.

✍️Tim Acebedo, CIO-PIRO
📸 Aljun Castilla, CIO-MULTIMEDIA

Categorized in Featured , News Release

Related Posts

LATEST