Menu

Abril 27, 2022 – Gisalmotan sa 18 ka mga pribadong kompanya sa Panabo City ang JobStart Employers’ Forum 2022 kauban ang Public Employment Services Office (PESO) Panabo ug Department of Labor and Employment (DOLE) XI nga gipahitabo sa 3rd Floor Function Hall Panabo City.

Pokus sa maong aktibidades kay ang maka-ingganyo ug maka imbita pa og mga kompanya sulod sa syudad sa Panabo sa tuig 2022 nga makig-alayon sa JobStart Philippines program pinaagi sa PESO Panabo aron daghang katahawn nga nangita og trabaho ang matabangan.

Pipila sa mga ‘advantages’ sa mga kompanya nga makig-alayon sa JobStart Philippines program kay dili na kini kinahanglan mangita og jobseekers gawas sa Panabo kay aduna nay skilled trainees nga puwede ma-hire ug malikayan ang job mismatching. Mahimong training center usab ang pribadong kompanya sa mga aplikante ug ang programa na ang bahala nga magpasweldo sa mga aplikante sa panahon sa internship.

Ang JobStart Philippines usa ka programa sa DOLE nga nag-andam sa mga batan-ong Pilipino alang sa pagpanarbaho. Gihimo kini sa JobStart pinaagi sa paghatag sa mga batan-on og career coaching, kahanas sa kinabuhi ug teknikal nga pagbansay, ug internship.

Mitambong sa maong forum kay ang Taytay sa Kauswagan, Inc., Panabo Multipurpose Cooperative, Tagum Cooperative, McDonald’s Panabo, Dens CafĂ©, First Panabo Tropical Foods Corporation, Southern Harvest Inc., Double Davao Printing and Paper Packaging Corporation, NP Changs Inc., Macondray Plastics Products Inc., TADECO Inc., Connovate Philippines Inc., DICT, PTSI, Rubi Grand Showroom-LYR, Gaisano Grandmall of Panabo, Rivera Medical Center Inc., ug Good Shepherd Hospital of Panabo City Inc.

Anaa sa kalihokan sila Assistant City Administrator Brenda A. Sauping nga representante ni Executive Assistant VI Josie Mary G. Relampagos, Project Coordinator Job Start Region XI Aireen Sereno, LEO III, DOLE XI – DNFO Magie Mae P. Abellana, ug PESO Panabo Manager Cherelle B. Espinosa, MBA.

✍️ Tim Acebedo, CIO-PIRO
📸 Rommel Cayas, CIO-MULTIMEDIA

Categorized in Featured , News Release

Related Posts

LATEST