“Early reporting is the key para dili magka outbreak.”

Mao kini ang gibutyag ni City Veterinarian Dr. John Ray Bautista human pag culling o depopulate sa 222 ka baboy sulod sa Barangay Cagangohan, Panabo City tungod sa African Swine Fever o ASF. Dugang niini, 59 ka hog raisers ang nakuhaan og panginabuhi tungod sa sakit nga na igo sa ilang mga baboy.

Matod pa ni Dr. Bautista, sa modified protocol sa pagmonitor sa ASF, katibok-an sa Barangay Cagangohan ug parte sa Barangay New Pandan ang naapektohan.

“Naay nagkapaon og lamaw human nag spread. Naay nag-ihaw ug gidala ang baboy sa laing lugar. Ang Dugo nagkalat og nadala sa tsinelas sa tao,” ingon ni Dr. Bautista.

Ang baboy nga adunay ASF makabati og kaluyahon, kalibanga, hilanat, pantal-pantal sa panit (purple o blue), ug magsuka og dugo. Matod pa sa Vet, ang kadugayon sa ilang kinabuhi sa baboy nga natakdan kay upat hantod napulo ka adlaw. Ang uban, duha lang.

Base sa ubang reports, adunay mga mi ihaw sa baboy tungod kamatyonon na kini og gibaligya. Naa sad reports nga nagagamit og Artifical Insemination. “Ang uban nag inject sa baboy nga naay ASF tapos gigamit usab ang needle sa laing baboy.”

Nahimong delikado kini sa mga hograisers nga dili naga sunod sa biosecurity sama sa pagbutang og footbath ug pag-iwas sa pagkaon nga lamaw.

“Early detection and early reporting. Ang uban nagtago-tago,” mensahe niya sa mga ubang barangay nga adunay hog raisers. “Iwas sad sa pagpakaon kanila og lamaw.”

Ang 59 ka hograisers sa Cagangohan makadawat og assistance gikan sa Provincial Government og Davao Del Norte, City Government of Panabo, ug sa Department of Agriculture.

Pahimangno sad ni City Mayor Jose E.Relampagos nga mosunod lang ang mga hograisers sa gobyerno ug dili mabalaka kay adunay programa nga ipaabot alang kanila.

Ulahing pahibalo ni Dr. Bautista kay nahimong suhestyon alang sa mga opisyales sa Barangay Cagangohan nga ibawal una ang pagbuhi ug pagpasulod og baboy sulod sa usa ka tuig.

Si Governor Edwin I.Jubahin nagpagawas sad og Memorandum Order No. 12 o ang REINFORCING THE STRICT IMPLEMENTATION OF PREVENTIVE MEASURES VS. AFRICAN SWINE FEVER (ASF) IN THE PROVINCE.

Kung adunay sintomas sa ASF inyong baboy, etext dayon ang Vet Hotline sa (0920) 468 4561

|cio
|📸 – Freepik.com

Categorized in Featured News

Related Posts

LATEST