Menu

Gipasiugdahan sa Lokal nga Panggamhanan pinaagi sa City Environment and
Natural Resources Office (CENRO) kauban ang nagkalahi-lahing ahensiya ug mga organisasyon sa Panabo City ang pagselebrar sa Earth Day 2022 nga adunay temang “Invest in our Planet” adtong April 22,2022 sa Barangay Sta Cruz, Panabo City.

Subay sa selebrasyon sa Earth Day 2022, nagpahigayon og ‘Tree Planting’ pinaagi sa Riverbank Easement Tree Planting. Gipananom ang ‘Malibago Tree seedlings’ nga maayo alang sa paglikay sa pagbanlas sa yuta ug magsilbi kini nga proteksyon pinaagi sa sistema sa mga ugat niini.

Ang Earth Day 2022 gisaulog nga adunay tumong sa pagpahibalo sa kadaghanan sa mga isyu sa kinaiyahan sama polusyon, ‘deforestation’, ug global warming. Usa usab ka pamaagi ang selebrasyon aron kanunay nga mahinumduman sa mga tawo nga kinahanglan tabangan ug protekhan og tama ang kinaiyahan aron mapugngan ang mga kalamidad.

Anaa sa kalihokan ang Barangay Sta. Cruz Council ug functionaries, DSWD-City Operations Team, 4Ps & IPs, United Motorcycle Clubs of Panabo, PNP-Panabo, PNP-Maritime Panabo, PCG-Panabo, BFP-Panabo, BJMP-Panabo, LTO-Panabo, Davao International Container Terminal, Double Davao Printing and Paper Packaging Corporation, PRIME Water Panabo, ug Panabo Water District.

✍️ Tim Acebedo, CIO-PIRO
📸 Francis Paculanang, CIO-MULTIMEDIA

Categorized in Featured , News Release

Related Posts

LATEST