Wala nay bayad ang anti-rabies vaccine alang sa mga Panaboans nga nagapacheck-up sa City Health Office. Mando kini ni City Mayor Jose E.Relampagos sa Rabbies Prevention and Control Section ilawom sa CHO.

Pamaagi kini nga malikay ang mga pasyente sa dakong gasto gumikan nga ikatulo turokan og bakuna.

Nagpahinumdom si Rabbies Prevention and Control Section Coordinator nga si Anne Michelle L. Fuertes, RN nga sa oras nga maapakan og iro, mamahimong hugasan sa running water ang samad pinaakan sulod sa kinse minutos. Sabonan ang samad og sabong panlaba sama sa mga powdered detergent,ug paga butangan og betadine o alcohol.

Iyaha usab gilimod ang mga patambal nga walay siyentipikong ebidensya. “Dili gyud pwede ang ahos og sibuyas. Bawal gyud na siya og dili sab magpatandoc. Mo deretso sa doktor,” dugang pa ni Fuertes.

Ang mga pasyente gi-awhag nga mo adto sa Panabo Out-Patient Department aron mo pakonsulta sa doktor. Kung gitambagan nga magpatambal, mo adto sa City Mayor’s Office aron makakuha og Referral Slip alang sa libreng anti rabbies vaccination. Deretso dayon sa Rabbies Prevention and Control sa CHO aron ma bakunahan.

Ang anti rabbies vaccination ginapahigayon kada lunes ug hwebes. Mo deretso lamang sa Panabo Out-Patient Department aron ma check-up sa doctor og ma skedyul ang pagbakuna anti rabbies.

| Gen Alforque- CIO
📸 | MCG

Categorized in Featured News , News Release

Related Posts

LATEST