Menu

Mayo 24, 2022 – Pagpanglimpyo sa kinaiyahan ug pagpananom og dugang kahoy daplin sa kadagatan sa Panabo City ang gipahigayon ubos sa pagpanguna sa Philippine Coast Guard (PCG) Sub-station Panabo ug City Enviroment and Natural Resources Office (CENRO) sa Purok Pantukan, Barangay J.P. Laurel.

Subay ang kalihokan sa gipangusgan nga tema sa Lokal nga Panggamhanan, ‚ÄúSave the Sea to See the Future”, nagpahitabo og Mangrove Tree Planting and Coastal Clean-up aron sa pag-amping sa kinaiyahan. Gipananom ang kapin 1,000 ka Miyapi o ‘Avecennia’ species ug Bakauan o ‘Rhizophora’ species ug nakakolekta usab og 15 ka sako nga basura atol sa pagpanglimpyo.

Kauban sa PCG Panabo ug CENRO sa kalihokan nga gipahitabo ang PNP-Maritime, BFP Panabo, BJMP Panabo, PNP Panabo.

Mapasalamaton si City Mayor Jose E. Relampagos kauban ang CENRO sa kanunay nga pagsuporta sa mga ahensya ug opisina nga nagapartisipar sa maong mga aktibidades aron matabangan ug maampingan pa ang kinaiyahan sa Panabo City.

✍️ Tim Acebedo, CIO-PIRO
📸 Rommel Cayas, Francis Paculanang, CIO-MULTIMEDIA & CENRO

Categorized in Featured , News Release

Related Posts

LATEST