Menu

Gihatod sa opisina ni City Mayor Jose E. Relampagos adtong Agosto 3, 2022, pinaagi kay Executive Secretary Josie Mary G. Relampagos kauban si Barangay Captain Angelita B. Rosel, ang mga materyales nga gamiton sa pagpatukod sa bag-ong balay alang kay Tatay Romeo Fraquiles, 74 anyos nga nagpuyo sa Purok 2, Barangay San Nicolas.

Mismong ang apo ni Romeo Fraquiles nga si Analiza Bustamante ang mi-dawat sa mga materyales sama sa sin, semento, kahoy, lansang ug bubong. Dili kini posible kung wala si Barangay Kagawad Flora Mae Español, tungod sa iyang mga serye sa pagbisita kay Analiza, nakita niya ang kahimtang sa Pamilya. Busa, naka-inisyatibo siyang iduso sa Barangay aron ipaabot sa opisina ni Mayor Jose E. Relampagos aron matabangan.

Sigon ni Kagawad Flora Mae Español, nga kinahanglan mahatagan kinig pagtagad. Sulti pa niya, “Lisod kaayo ilang kahimtang kay ilang balay puro nalang cellophane unya naa pay gamay nga bata tiguwang nasad si Tatay.”

Ingon pa ni Executive Secretary Josie Mary G. Relampagos sa iyang pagbisita kay Tatay Romeo nga kinahanglan matabangan kini tungod sa iyang pangidaron ug kawad-on maglisod na kini magpa-ayo sa iyang panimalay. “Kutob sa makaya atong paningkamotan nga makahatag tag serbisyo sa katawhan kay kana atong gipanumpa ug kita gibutang sa katawhan aron mo tabang sa mga nanghinanglan,” dugang pa ni Executive Secretary Josie Mary G. Relampagos.

Sa pagbisita sa panimalay ni Tatay Romeo, anaa ang grupo sa Revitalized Pulis sa Barangay (RPSP), purok leader ug tanod nga mismong mo tabang og panday sa maong balay.

Alang sa gusto mo tabang kay Tatay Romeo Fraquilis, mamahimong mo bisita sa opisina sa City Mayor’s Office nga nahimutang sa 3rd Floor, Panabo City Hall.

| M. Gentiles

Categorized in Featured , News Release

Related Posts

LATEST