Mayor Jose E. Relampagos mapasalamaton sa pag bisita sa Wish 107.5 Bus, dungan sa ikalimang anibersaryo sa Wish 107.5 Bus mibisita sila sa syudad sa Panabo gahapon, Agosto 27, 2019.

Aduna silay duha ka stop sa syudad, una sa atubangan sa Dens Cafe ug ika duha sa City Hall Grounds. Nagkalahilahing indibidwal ug grupo nga local artists ang misalmot og nagpakita sa ilang mga talento sama sa Y-Dread Band, Doppstarz, Mr. Jovit Leonerio, Mig-Glue Duo, Jilly Jean Canda ug Lendon Lascuña.

Nahimong espesyal usab ang ilang pagbisita sa City Hall Grounds kay tungod gihulat ni Mayor Jose E. Relampagos ang pag abot sa bus sa Panabo City Hall grounds. Personal nga nagpasalamat ang Mayor sa mga staff ug performers sa Wish Bus.

Dugang ni Mayor Relampagos, kinahanglan nga tagaan ug importansya ang musika kay dakong tabang kini nga malayo sa dautan ang mga kabatanonan. Usa pud kini ka inisyatibo nga mapasundayag ang mga lokal na singer o banda sa syudad ug sa tibuok rehiyon. Giawhag usab ni Mayor ang katawhan nga suportahan ang mga lokal nga talento sa syudad.

Categorized in Featured News

Related Posts

LATEST