Klase-klaseng reaksyon ang katawhan sa nanimahong langsa sa Premiumed Market (o Wet Market) labi na sa Bagsakan sa isda. Maabot kuno ang baho sa mga residente sa Teachers Village bisan man sa mga mangagi na mamalengke.

Sumala pa ni CEEMDO Department Head Nemesio Rasgio, “Ang tubig nga gigamit pagpreserba sa mga isda kay ginalabay sa drainage apan ang langsa niini, nagpabilin gihapon.”

Sa milabay na bulan, gipahibalo ni City Mayor Jose E.Relampagos sa mga wholesaler ug nga supplier sa isda nga ibalhin ang bagong bagsakan sa isda sa Panabo Fish Port nga nahimutang Barangay Cagangohan. “Didto na buhaton ang mga trading activities,” dugang ni Rasgo.

Sa pipila ka simana, halos wala na daw bahong’ langsa ang Premiumed Market ingon pa sa usa ka residente sa Teachers Village.

Ana pa si Rasgo nga nakatabang sad ang pagbalhin sa bagsakan sa Fish Port sa traffic flow. “Dili lang kini nakapawala sa baho kundi naminosan sad ang traffic sa kalsada.”

Unsay mahitabo sa Bagsakan? Tungod adunay gigahin nga budget nga 10 Million Pesos para sa rehabilitation sa Premiumed Market. Ginabuhatan na ang Bagsakan Area og lamisa alang sa temporaryong lugar sa mga meat vendors aron masugdan og ayos ang sulod sa Premiumed Market.

Ingon ni Rasgo, ipaayo ni Mayor Relampagos ang mga lamisa ug salog og ipa tiles na niya kini. Ayoson sad ang drainage og ang mga stalls.

Laoman na mahuman kini sulod sa tuig 2021.

|cio

Categorized in Featured News

Related Posts

LATEST