53 ka mga pedicab driver ang bag-ong natagaan og Motorized Tricycle Operator’s Permit (MTOP) sa Lokal nga Panggamhanan sa Panabo ilawom sa pagdumala ni Mayor Jose E. Relampagos pinaagi sa Business Permits and Licensing Section (BPLS).
Gipangunahan ni Executive Assistant III Jo-Anne R. Capuyan kauban ang mga personahe sa BPLO ang paghatag sa mga prankesa niadtong Septyembre 10, 2019 sa City Hall Lobby.
Matod pa sa mga driver nga nakadawat og MTOP, dako kaayo ilang kalipay kay tungod dili na sila mahadlok mamasahero kung naay dakop.
Matod pa ni Executive Assistant III Capuyan, prayoridad nga programa ni Mayor Relampagos ang pagpahan-ay sa mga prangkisa sa pedicab sa syudad.
Sa hawanan sa konseho, ginapaningkamotan ni Konsehal Emeterio E. Blase, SP Committee Chair on Transportation and Energy, ang pagpadaghan sa mga slots sa prankesa sa tricycle sa syudad pinaagi sa pagpanday og ordinansa aron matagaan ug legal nga panginabuhian ang mga tricycle driver sa Panabo

Categorized in Featured News

Related Posts

LATEST