BE INFORMED | Mga plano sa Panabo City alang sa tuig 2020, pirmado na!

Pormal na giaprubahan sa ika-pitong Konseho sa Panabo ug ni Mayor James Gamao ang Annual Investment Plan (AIP) sa siyudad alang sa tuig 2020. Ang maong plano gilatag sa City Development Council nga gilangkuban sa mga baryo kapitan, pribado na sektor, ug mga non-government agencies aron mahatagan og saktong budget ang mga nangunang panginahanglan alang sa paglambo sa lungsod.

Ang AIP mao ang listahan sa mga proyekto, programa, ug mga aktibidades sa siyudad sulod sa usa ka tuig. Ang mga pondo nga giandam sa pag-implementar sa AIP 2020 mag gikan sa 20% Development Fund, Local Fund, General Fund, Economic Enterprise-Local Fund, Economic Enterprise Fund, Disaster Risk Reduction Management Fund, ug Special Eucation Fund-Local School Board.

Gikan sa 20% Development Fund (DF) adunay gigahin nga Php 147,600,000 alang sa serbisyong imprastraktura. Aduna pud pondo nga Php 95,726,000 alang sa mga programa sa nagkadaiyang sektor, Php 49,266,427.85 alang sa disaster preparedness ug mitigation, ug Php 291,541,000 alang sa edukasyon.

Matod pa ni Mayor Gamao na kining mga kalamboan sa imprastruktura ug uban pang sektor sa komunidad mamahimong paagi aron mas muhapsay ang panginabuhi sa katawhan sa Panabo ug aron maka dani og mga negosyante o investors nga muresulta sa pagdaghan sa oportunidad sa pagpanarbaho ug mapalambo pa ang lokal na ekonomiya.

Pipila sa highlights sa Annual Investment Plan CY 2020 gikan sa 20% Development Fund mabasahan sa mga infographic sa baba inubanan sa mga captions niini

previous arrow
next arrow
Slider

Related Posts

LATEST