Menu

Pirmado na ni Director General TESDA Sec. Isidro S. Lapeña, Ph.D, CSEE ug City Mayor Jose E. Relampagos adtong Abril 13, 2022 ang Memorandum of Agreement alang sa pagdumala sa Lokal nga Panggamhanan sa Panabo City Skills Training and Assessment Center (PCSTAC) pinaagi sa Public Employment Services Office (PESO). Gipahigayon ang MOA signing sa Function Hall, 3rd Floor, New City Hall, Panabo City.

Sulod sa programa, gigawad sa TESDA ngadto sa Lokal nga Panggamhanan ang Certificate of Accreditation isip pag-ila sa PCSTAC nga assessment center alang sa Shielded Metal Arc Welding NCII.

Tungod sa pagpirma sa maong MOA, mas mag-abli pa kini og oportunidad sa tanang taga-Panabo nga gusto makakuha og National Certificate II tungod apil niini ang paghatag og TESDA scholarship programs.

Madasigon usab si PESO Manager Cherelle B. Espinosa, MBA nga daghan ang makiglambigit nga katawhan sa Panabo sa PCSTAC kay makatabang kini kanila ilabi na sa mga nanginahanglan og trabaho. Ani pa niya, “Nalipay ko kay finally napirmahan na gayud ang MOA kay kini nagpamatuod nga lig-on ang koneksyon nato ngadto sa TESDA.”

Ang PCSTAC giplano sukad pa kaniadtong 2009 ug nasugdan adtong 2018 pinaagi sa pagkugi sa PESO Panabo ug Lokal nga Panggamhanan. Tungod sa City Ordinance No. 07-14, nasugdan ang maong PCSTAC ug tulo (3) na kini ka tuig nga nag-operate nga aduna nay 2,470 training skilled workers nga na-produce ug anaay employment rate nga 80%.

Ang PCSTAC nahimutang sa City Motorpool Compound, Purok Humayan Barangay Datu Abdul Dadia nga adunay duwa (2) ka storey building.

Naghandom si City Mayor Relampagos kauban ang TESDA ug ang PESO Panabo nga ang PCSTAC mamahimong pamaagi nga daghang katawhan sa Panabo ang mahimong skilled workers ug ilabi na ang makatrabaho.

Anaa sa kakihokan sila Regional Director, TESDA XI Engr. Lorenzo G. Macapili, DTE, City Administrator Pedrito A. Misoles, ug City Legal Officer Atty. Chervin C. Paculanang.

✍️ Tim Acebedo, CIO-PIRO
📸 Francis Paculanang

Categorized in Featured , News Release

Related Posts

LATEST