Menu

Oktubre 4, 2021 – Gisaulog sa lokal nga panggamhanan ang unang Adlaw sa Mag-uuma subay sa selebrasyon sa 9th Binulig Festival nga gipahitabo sa Panabo Gym Grounds nga adunay temang; “Pagpasalamat. Panaghiusa. Pagbarog Luyo sa Pandemya. Panaboans, Duyog Ta!”

Sa unang Adlaw sa Mag-uuma, nagpahigayon og Good Aquaculture Practices Training ug Enterpreneural Development Seminar for Aquaculture Stakeholders alang sa mga mangingisda sa Panabo City. Kini aron mahatagan pa og dugang ideya ang mga mangingisda unsaon pagbuhi sa mga nagklase-klaseng isda ug unsaon pagpalambo sa negosyo. Dugang niini, makita ang mga nagkalahi-lahing produkto sa kabukiran ug kadagatan kay giimbetihan ang mga mag-uuma nga ipasundayag ilang mga produkto og puwede kini mapalit sa mga bisita.

Matod pa ni Aquaculturist II Aproniano N. NiƱeza nga ang rason maong adunay Adlaw sa Mag-uuma nga sulod sa selebrasyon sa 9th Binulig Festival kay aron mapasidunggan ang kakugi sa mga mag-uuma ug mangingisda sa syudad sa Panabo. Dugang pa niya, “Kinahanglan adunay selebrasyon alang sa atong mga mag-uuma ug mangingisda bisan pa pandemya kay sila ang backbone of the nation, sila ang ga-supply sa atong pagkaon sa matag adlaw maong gipangandaman gyod kini sa City Agriculturist Office (CAGRO). Ang selebrasyon usab nagasunod sa IATF protocols nga maoy mando ni City Mayor Jose E. Relampagos.”

Dako ang pasalamat ni Jovencio Villahermosa nga President sa P2 Small Farmers Association sa Barangay Sta. Cruz kay tungod sa mga similya nga gihatag sa lokal nga panggamhan pinaagi sa CAGRO aduna sila’y mga gulay nga natanom ug anihon nila aron makakwarta. Dugang pa niya, “Garbo namo nga nakapasundayag mi samong mga tinanom gikan sa among tugkaran karong Adlaw sa Mag-uuma ug dako kaayo ang natabang sa among pagpamaligya bisan pa pandemya.”

Nagpahigayon usab ang CAGRO og mga kontes alang sa mga mag-uuma ug mangingisda ug ang mga nadaog kay ang musunod:

Net Mending Contest:
1st Placer, Conrado Olohan
2nd Placer, Danle Omaga
3rd Placer, Joel Verallo

Crab Racing Contest:
1st Placer, Elizabeth Verallo
2nd Placer, Ritchell Reroma
3rd Placer, Flordeliza Rosialda

Crab Pinch Paralyzing Contest:
1st Placer, Dereck Bautista
2nd Placer, Julius Dorig
3rd Placer, Diosing Tejamo

Catfish Relay Contest:
1st Placer, Roger Edullantes
2nd Placer, Jackson Coni-conde
3rd Placer, Faidal Amerkhan

Anaa sa selebrasyon sila City Agriculturist Samuel N. Anay, Aproniano N. Nineza Aquaculturist II, Jomar H. Hadjerol Aquaculturist II Provincial Agriculture Office Davnor, Michael D. Bumaya Sr. Business Councilor I DTI- Davnor.

| Tim Acebedo, CIO-PIRO
📸 | Aljun Castilla

Categorized in Featured

Related Posts

LATEST