Menu

Hulyo 11, 2022 – Gigawaran ang Panabo City Library og Safety Seal Certificate nga nagpamatood sa pagsunod sa maong pasilidad og minimum public health standards nga gilatag gobyerno. Ang City Library mao ang pinakaunang pasilidad ilawom sa LGU Panabo City nga gigawaran og Safety Seal Certificate gikan sa DILG.

Ang inspection team alang sa pampublikong pasilidad gipangulohan sa DILG kauban ang mga opisyales ug personahe sa mga laing ahensiya. Pipila sa mga rekisitos nga ilang gipangita mao ang health declaration sheet, thermal scanner, disinfection protocol, handwashing station, presensya sa Safety Officer, storage facility alang sa mga infectious waste, ug uban pa.

Anaa sa assessment sila Catherine N. Pugosa ug Marc Voltaire F. Daquigan gikan sa DILG DavNor, Assistant City Health Officer Dr. Eranie L. Pangilinan, SFO2 Ramil Rivera, PFMS Marjon Rico Santillan, Rochele Betonia gikan sa DILG Panabo, City Information Officer ug in-Charge sa City Library nga si Michael Angelo A. ResueƱo, ug ang mga City Library staff.

Subay safety seal certification sa DOLE, DTI, DOT, ug DOH Joint Memorandum Circular 21-01 aron nga masiguro sa mga kliyente ug bisita nga luwas sila sa COVID-19 sulod sa maong pasilidad.

| CIO
📸 Aljun Castilla, CIO-Multimedia

Categorized in Featured , News Release

Related Posts

LATEST