Menu

Septyembre 3,2021 — Wala nagpaulahi ang Lokal nga Panggamhanan sa Panabo sa pagpatuman sa mando sa Department of the Interior and Local Government (DILG) nga mangandam sa dugang nga mga proyekto, programa, ug aktibidades gikan sa mga nasyonal nga ahensya sa gobyerno sama sa DPWH, Department of Agriculture, DepEd, DOH, Department of Tourism, Department of Trade and Industry, DILG, DENR, National Irrigation Administration, ug uban pa. Gilaoman nga sa tuig 2022 magsugod ang “Devolution Transition” o ang pagpanaog sa budyet sa mga proyekto, programa, ug aktibidades.

Lakip na sa pagpangandam ang paghimo og Devolution Transition Plan (DTP) pinaagi sa template gikan sa DILG ug Department of Budget and Management (DBM). Bisan man nga dugang kini nga trabahoon sa LGU, masdako ang matabang niini sa panginahanglanon sa katawhan.

Sa DTP Orientation, naghatag og rationale o background information si City Administrator Pedrito A.Misoles isip Devolution Transition Committee co-Chairperson ni City Mayor Jose E.Relampagos, anaa pud si City Budget Officer Joven Sepe alang sa pagtubag sa pangutana sa panahon sa Forum, ug si City Director Danilo Hernandez alang sa mensahe gikan sa DILG.

Ang mga partisipante kay ang mga konsehal, Executive Assistant, ug ang mga city government department heads ug ilang assigned focal persons.

Karong Septyembre 6-7, ang mga partisipante sa DTP Orientation kay ang mga barangay opisyales gikan sa 40 ka mga barangay sa Panabo.

| cio

Categorized in Featured , News Release

Related Posts

LATEST