Menu

Gipahigayon ang Perfume ug Creative Balloon Making usa ka livelihood training atol sa Pre-Labor Day Trabaho, Negosyo, Kabuhayan (TNK)pinaagi sa JCI Panabo sa pakig-alayon sa Lokal nga Panggamhanan pinaagi sa Public Employment Service Office (PESO)-Panabo nga gipahitabo sa Panabo Gymnasium adtong April 29,2022.

Sa buntag, gipahigayon ang Perfume Making nga adunay 33 ka mga partisipante. Anaa si Lysander V. Gran gikan sa PESO-Panabo sa pagtudlo kanila kung unsa ang mga tamang sukat sa paghimo apil na ang mga gamit na kinahanglan panahon sa pagbuhat og perfume, sama sa; Graduated Cylinder, Erlenmeyer Flask, ug Stirring Rod. Sa laing bahin, gipahitabo usab ang Creative Balloon Making nga adunay 24 ka mga partisipante ug anaa si Ivy Pugoy sa pagtudlo kanila.

Ang maong livelihood training gipahigayon aron makahatag og mga pagtulun-an sa mga katawhan nga gustong magsugod sa ilang negosyo. Anaa usab ang Department of Trade and Industry sa paghisgut kabahin sa negosyo. Ingon pa ni Dang Madanlo, taga Barangay San Pedro nga dako kining tabang kanila. “Makatabang ni sa akong small business kay in demand na ang ingani karong panahon ilabi na libre kini maong gi grab nako ang opportunity.”

Gilaoman nga aduna pay mga livelihood training nga ipahigayon ang Lokal nga Panggamahanan pinaagi sa PESO-Panabo. Mamahimo usab bisitahon ang FB Page sa PESO-Panabo o bisitaha ang ilang opisina nga nahimutang sa Panabo Parks and Plaza sa Barangay New Pandan.

|I.Balogbog,CIO-PIRO
📸 R.Cayas, CIO-MULTIMEDIA

Categorized in Featured , News Release

Related Posts

LATEST