Menu

Gipahigayon ang pinakaunang Brigada Eskwela Division and School Kick-off sa Panabo City adtong Agosto 8, 2022 sa Gredu Elementary School sulod sa duha ka tuig nga Pandemiya. Gitambongan ang seremonyas og mga opisyales sa DepEd Panabo, LGU Panabo, ug ubang mga organisasyon nga nisuporta sa pag-andam sa pag-abri sa klase karong Agosto 22.

Ang tema, “Tugon sa Hamon ng Ligtas na Balik-Aral”, ga-awhag sa katawhan nga mosuporta sa mga pampublikong eskwelahan sa pagbalik sa limited Face-to-Face classes labi na nga daghan pa og ayoson ug panindoton nga mga tulonghaan.

Isip suporta sa eskwelahan, mihatag si City Mayor Jose E. Relampagos og Risograph sa Gredu Elementary School alang sa ilang module reproduction. Apil kini sa support fund sa LGU alang sa Brigada Eskwela Program sa kada eskwelahan.

Sa Agosto 22, limitado pa ang maka Face-to-Face classes bago ang full-blast na F2F karong Nobyembre 2. Matod pa ni DepEd SDS Reynante A. Solitario nga sa kasamtangan, 62% na ang nagpa enroll sa mga pampublikong eskwelahan sa Panabo subay sa target nila base sa miaging School Year.

Anaa usab sa kalihokan sila City Mayor Hon. Jose E. Relampagos represented by City Information Officer Michael Angelo A. Resueño MPA, Vice Mayor Gregorio U. Dujali, III, MPA, MDMG, Assistant SDS Phoebe Gay Refamonte, CPA, CESE, DepEd-SGOD Chief Dr. Ailene B. Añonuevo, ug Gredu ES Principal II Leonora D. Cañete, CESO VI.

Anaa pud ang suporta sa Full Spectrum Riders Association of the Philippines – Mata Ng Kalsada, PMPC, PNP, CSB, BFP, Tagum COOP, ug mga ginikanan.

|CIO
📸| Rommel Cayas, CIO-Multimedia

Categorized in Featured , News Release

Related Posts

LATEST