Gisugdan na ang pagpanghatag og QR codes sa matag barangay sa Panabo karong simana subay sa mandato sa Probinsya sa Davao del Norte nga mapadali ang contact tracing sa mga katawhan og galing anaa may magpositibo sa kaso sa COVID-19.

Gisiguro sad sa ubang kapitan sama ni Barangay Captain Osmundo Micabani sa Cagangohan nga sa pagdistribute nila sa mga QR codes magsunod sila sa protocol sa DOH sama sa Physical Distancing ug pagsoot og facemasks. Sumala pa ni Kapitan Micabani, tulo hantod lima ka purok ilang ginahatagan matag adlaw.

Aduna pud mga QR codes sa checkpoint sa JP Laurel para sa mga trabahante ug nagabyahe padulong ug paggawas sa Davao Del Norte.

Di madugay, ang tanang establishmento o kompanya mamahimong mo scan og QR codes sa mga taong manulod para sa contact tracing.

|Gen Alforque/PIRO
📸 – Barangay Cagangohan

Categorized in Featured News

Related Posts

LATEST