Ang Registry System for Basic Sector in Agriculture (RSBSA) giduso sa City Agriculture para maregister sa electronic data ang mga mag-uuma ug mangingisda sa siyudad diin mahimong requirements ug basihan sa paghatag og financial na assistance, subsidy funding, ug insurance services. Lakip sad niini ang paghatag kanila og mga programa sa agrikultura.

Ang RSBSA usa ka opisyal nga record sa gobyerno para matagaan og pag-ila ang mga mag-uuma ug mangingisda.

Ang pagmugna sa RSBSA subay sa section 41 sa Republic Act 8435 o ang Agriculture and Fisheries Modernization Act of 1997 nga gimando nga magbuhat og National Information Network (NIN).

Ang mga makarehestro lang niini mao ang nag-edad og 18 pataas. Pwede sad mag register ang asawa ug anak na nagatabang sa pag-uma ug pangisda kung kini mao ang ilang panguna na panginabuhian.

Alang sa pagrehistro, adto lang sa inyong Barangay hall ug magsusi sa inyong Chairman on Committee on Agriculture mahitungod sa RSBSA. Magdala lang og mga requirements susama sa 2×2 picture, valid ID na photocopy, land title na photocopy, ug photocopy sa CLOA right/deed of sale/ agreement sa yuta. E-fill out ang form ug ipavalidate kini apil ang area sa iyong uma.

Ang programa subay sa General appropriation Act (GAA).

Alang sa dungang pangutana, mamahimong mo bisita sa City Agriculture Office, 2nd Floor, New City Hall, Panabo City, Davao Del Norte.

| Mel Hilario CIO-PIRO
Photo: CAGRO

Categorized in Featured News

Related Posts

LATEST