Menu

Mikabat na sa 1,003 ka mga sodium lights ang na instalar sa city ug sa mga kadalanan sa barangay sa siyudad sa Panabo sukad Hulyo 2019. Gibutyag kini ni Banwag Secretary Honelyn Martinez sa programang Ang Panabo Karon sa Radyo 911 sa PTV Davnor 48 adtong Disyembre 3,2021.

Matod pa ni Martinez, padayon ang mga programa ni City Mayor Jose E. Relampagos kabahin sa electrification sa mga kadalanan pinaagi sa Banwag, lakip na niini ang tabang sa pagproseso sa mga papeles sa mga katawhan nga bout magpataod og kaugalingong koneksyon sa kuryente sa ilang mga panimalay.

Nagapahigayon usab og Pole Monitoring sa mga sodium lights sa siyudad apil na ang pag edukar sa mga katawhan sa mga safety tips ug tama nga paggamit sa kuryente.

Alang sa dugang impormasyon sama sa mga rekisitos, mamahimong mo bisita sa Banwag Facebook page o sa mismong opisina nila sa 3rd Floor, New City Hall, Barangay JP laurel, Panabo City.

| Gene A. – CIO/PIRO

Categorized in Featured , News Release

Related Posts

LATEST