Menu

Enero 12,2022 – Gihisgutan sa Dream Radio 94.3FM sa programang RaJoe Serbisyo ang mga serbisyo ug benepisyong hatod sa Social Security System (SSS) kauban sila SSS Acting Branch Head Hilderbrando S. Ortega, Member Services Section Head Rhovelyn Gamao, ug Accounts Management Section Head Imee Genosas.

Gibutyag ni Ortega nga ang tumong ug konsepto sa maong ahensiya kay ang matabangan ang katawhan sa problemang pinansyal kung adunay masakit, manganak o buntis, mabaldado, kawalay trabaho, mamatay, o moretire.

Ginaawhag usab ni Member Services Section Head Gamao nga magpamiyembro ang katawhan sa SSS hilabi na kadtong nagtrabaho o mga self-employed. Ani usab nila nga mas nindot kung mas dako ang gina-contribute matag bulan aron mas dako ang mga benipisyong makuha.

Dugang niini, giklaro usab sa mga personahe sa SSS nga ang pag-apply niini kay mandatory sa mga kompanya isip benepisyo sa mga empleyado. Gina-awhag usab nila ang mga empleyado nga kanunay magmonitor sa ilang mga SSS records ug kung wala man ginabayaran apan gina deduct sa kompanya, puwede moadta sa pinakaduol nga SSS og moreklamo sabay ang mga ebedinsya.

Sa mga gustong magparehistro, mamahimong bisitahon ang www.sss.gov.ph ug kuhaon ang Personal Reference Number (PRN) human moadto sa pinakaduol nga SSS Branch.

Makita ang full coverage niini sa City Government of Panabo Facebook Page o sa link na https://fb.watch/au1p4eu-2J/ aron sa dugang detalye.

✍️ | Tim Acebedo, CIO-PIRO
📸 | Francis Paculanang, CIO-MULTIMEDIA

Categorized in Featured , News Release

Related Posts

LATEST