Ang Southern Davao Elementary School nagtayag og Purok Book Watch Program sugod adtong Hunyo 8, 2020 sa 18 ka purok sa Barangay Southern Davao isip lunsaran sa pagbasa ug pagtulunan ilalom sa pandemiya sa COVID-19. Kini parte sa programa sa We Advocate on Time Consciousness and Honesty o WATCH.

Ang Book Watch usa ka open space sa school diin didto nag basa ang mga bata sa panahon na aduna pa’y face-to face na klase.

Matod pa ni Principal II Carolyn M. Arado, “Gi-extend namo ang Purok Book Watch sa 18 ka purok sa Barangay Southern Davao. Dili lamang mga short stories ang pwede nila mabasa, apil nasab niini ang uban pang mga libro na pwede nila basahon ug kuhaan og references kung sila mag research.” Dungag pa niya nga kadaduha ka simana nila ginabalhin ang mga libro sa laing purok pinaagi sa supporta sa mga purok leaders.

“Ang pamaagi sa paghulam sa mga libro kay ang mismong ginikanan sa bata kay dili man sila pwede mo gawas. Aduna’y nakaantabay na log book para sa gihiram nga libro ug i- log out lang kung e-uli na kini. Naa usab box na ibutang sa matagpurok para ilang sudlan ug butangan sa ilang mga natunan ug mga suggestion,” giklaro ni Arado.

Sa pagpahigayon og Purok Book Watch, ang matag purok naga sunod usab sa mga minimum health standards susama sa pagbutang og footbath, pagsulob og mask, paghugas ug pagbutang og alcohol sa kamot inig mosulod sa purok. Ang Purok Book Watch Abri kini gikan Lunes hantod Dominggo.

Dili lang kini para sa mga estudyante na nag-eskwela sa Southern Davao Elementary School kundi pwede usab mo hulam og libro ang biskan kinsang gusto ug willing mo basa.

|Mel Hilario, CIO-PIRO
Photo: Southern Davao ES

Categorized in Featured News

Related Posts

LATEST