Menu

Nagpahigayon og Blessing and Inauguration Ceremony alang sa bag-ong classroom building adtong Oktubre 1, 2021 sa Malativas National High School. Usa kini ka one-storey building nga adunay duha (2) ka classroom ug comfort room para sa senior high school students.

Nagpaabot og pasalamat si School Head Jayson B. Juen sa Lokal nga Panggamhanan sa Panabo tungod kay nagahinan sila og suporta pinaagi sa inisyatibo ni City Mayor Jose E. Relampagos. Ingon pa niya, “Nagpasalamat gyud ko sa atong government headed by City Mayor Jose Relampagos kay (gihatagan) mi og building nga magamit.” Dugang niya, “Nagprovide pud og (dalan) pinaagi sa pagpasemento niini aron dili na kaayo lubak agian padulong diri sa among eskwelahan.”

Nisalmot si Hon. Emeterio Blase, isip representante ni City Mayor Jose E. Relampagos, aron sa paghatag og mensahe. Saysay pa sa konsehal, “Importante nga mamintinar og atiman ang building aron magdugay pa kini ug maabot pa sa mga mosunod nga mga henerasyon.”

Anaa sa kalihokan si Committee on Education Kagawad Hon. Roldan D. Villaren, Barangay Kagawad Hon. Epifanio B. Caydan, city government department heads nga sila Engr. Bernardo Rabanoz Jr., Joven M. Sepe, Madera M. Bautista, Mylene M. Hermosa, ug Atty. Chervin C. Paculanang.

Ang maong proyekto apil sa 10-Point Executive Agenda ni City Mayor Jose E. Relampagos nga Educational Support.

l M. Lagura, CIO PIRO
Photos: Maychelle Gentiles/CEO

Categorized in Featured

Related Posts

LATEST