Gipasuspende ni City Mayor Jose E.Relampagos ang QR Code Releasing nga gipahitabo sa Panabo Gym karong adlawa, July 23,2020 tungod ubay-ubay ang nagviolate sa polisiya sa physical distancing. Ang QR Code Releasing sa Panabo Gym usa ka stratehiya nga gihimo sa Provincial Capitol aron mahatagan ang mga dili taga Davao Del Norte nga residente nga adunay trabaho sa DavNor og QR Codes. Apan, nakita nga ang ubang barangay sa mga silingan nga probinsiya ni apil sad og kuha nga maoy hinungdan sa kadaghanon sa tao sa Panabo Gym.

Gipaklaro niining Lokal nga Panggamhanan nga ang mga nag release og QR codes kay Provincial Capitol og dili ang City Government of Panabo. Tungod gipasuspende ni Mayor Relampagos ang releasing, among gihangyo ang Capitol nga mo release na sila sa link sa online application aron ma download nalang ang ilang QR codes. Safer ug convenient pa kini. Among e anunsyo lang ang link sa application as soon as possible aron dili na kamo mahasol.

Sa mga taga-Panabo lang nagpuyo, pwede ninyo makuha inyong mga QR codes mismo sa inyong mga barangay.

Sa mga kompanya, pwede mo adto inyong representante sa Office of the Administrator, 3rd Floor, City Hall aron maka schedule kamo og training sa inyong IT Officer/Programmer nga pwede maka release sa inyong mga empleyado.

Ginapaningkamotan ni Mayor Relampagos nga luwas kamo sa sakit sa COVID-19.

|CIO

Categorized in Featured News

Related Posts

LATEST