Niadtong July 16, 2020, nakadawat og report ang City Veterinary Office sa Panabo na adunay mga binuhi na baboy sa Purok Mabolo, Barangay Cagangohan nga nagabati og sintomas sa African Swine Fever sama sa pagkaluya, pamula sa panit, ug pag suka og dugo.

Dali dayon gikuhaan og blood sample og tissue collection ang nahisgutang mga binuhing baboy og na suta na positibo kini sa ASF. Nagpahigayon sad og emergency meeting ang mga opisyales sa siyudad sa Panabo og ilang giplanohan ang mga pamaagi aron dili kini mokuyanap sa uban pang mga Barangay sa siyudad sa Panabo sama sa Barangay JP Laurel, Gredu, New Pandan, ug San Pedro.

Gipaningkamotan karon sa Task Force ASF na gipangulohan ni City Mayor Jose E.Relampagos inubanan ni City Agriculturist Samuel Anay, City Veterinarian Dr. John Ray Bautista, LDRRM Officer Prosper Dajalos, ug mga departamento sa Provincial Government nga mapugngan makuyanap ang sakit. Sa kasamtangan, ginabantayan ang mga entry ug exit points sa Barangay Cagangohan og makuha ang mga uban pang baboy na posibleng natakdan sa sakit.

Atangi ang ubang impormasyon bahin niini sa among social media accounts, website, ug sa One DavNor Network (Provincial Capitol FB Page).

|Gen Alforque/ CIO-PIRO
| 📸 – Aljun Castilla

Categorized in Featured News

Related Posts

LATEST