Menu

Abril 19, 2022 — Gi sundo mismo sa PNP Panabo luyo sa pagpangulo ni PMAJ Adelon M. Caacbay, PNP Panabo Officer in Charge si Victoria Capisnon nga nagpuyo sa Barangay Katualan nga usa ka Person with Disability (PWD) nga nahimong benepisyaryo sa Community Outreach Program (COP) sa mga kapulisan kauban ang MTRC Batch 4 Stallions ug Panabo Trail Friendlies, bisan pa sa kalayo ug lisud ang dalan padulong sa puloy-anan ni Capisnon, gi-adtoan gayud kini aron mahatod ang tabang alang kaniya.

Usa ka wheelchair ang nahatag ka Capisnon sa tabang ni Kuya Will sa Kasangga Radio kay mao kini ang gi commit kaniya ni dating Panabo Chief of Police PLTCOL Atty. Verna L. Cabuhat. Kini gi turn-over sa Kasangga Radio, 90.3 FM nga gipanag-iyahan ni Frank Sinco, usa ka Member sa Local Media Board sa LGU Panabo. Human niini si Capisnon gisuroy sa PNP Panabo sa Gaisano Grand Mall Panabo. Mao kini ang pinaka unang higayon nga naka suroy siya sa maong lugar gamit ang iyang bag-ong wheelchair ug gipalitan kini nila og grocery supplies alang sa iyang pang adlaw-adlaw nga panginahanglan.

“Daghang salamat sa tanan tabang ninyo, lipay kaayo ko naa nakoy wheelchair. First time pud nako nakakaon og Jollibee,” sumala pa ni Capisnon. Ang COP gipangusgan sa Police Community Relations (PCR) sa PNP Panabo aron mas mapalambo pa ang relasyon ug serbisyo sa PNP Panabo ngadto sa mga katawhan sa siyudad sa Panabo.

|Gen Alforque – CIO

Categorized in Featured , News Release

Related Posts

LATEST