Misalmot ang Banana Fighter nga sila Rose Ann D. Pineda, Kryzler Cabanilla, Vincent Cruz, ug Cezar Agunod sa unang DAVNOR Adventure Challenge 2025, nga gipahigayon. Kini gitambongan sa tulo (3) ka city ug lima (5) ka munisipalidad sa Davao del Norte, nga mao ang musunod; Talaingod, New Corella, Santo Tomas, Asuncion, Kapalong, Samal, Tagum, ug Panabo adtong Hulyo 2, 2025.
Ang matag team gilangkuban og tulo (3) ka lalaki ug usa (1) ka babaye, nga mga empleyado sa LGU ug munisipyo. Gisugdan ang lumba sa New Corella, diin ang unang challenge mao ang pagpangita sa dose (12) ka gitagong butang sa palibot. Ang unang team nga nakakumpleto niini maoy una usab nga gipasakay sa baobao padulong sa Panas Waterfalls.
Pag-abot sa Panas, gisugdan ang mas makapakugang nga hagit ang pagkanaog sa taas ug dangog nga agianan sa busay. Ang matag lakang nanginahanglan og balanse ug kusog samtang nagkupot og pisi aron malikayan ang pagka-slide. Ang kasaba sa tubig, nagdugang sa tensiyon, apan wala kini nakapahunong sa determinasyon sa mga partisipante. Human makalusot sa maong pagsulay, gisugdan dayon ang biyahe padulong sa Alina Cave nga nahimutang sa Purok 14, Suawon, Kapalong.
Pagkahuman sa pagsuroy sa langob, padayon nga gibaybay ang dalan paingon sa Tagum City E-Park, ug didto sa Provincial Capitol Grounds.
Bisan pa sa kainit sa adlaw, kabug-at ug kakapoy sa lawas, wala gyud mapukan ang Team Panabo. Uban sa determinasyon ug panaghiusa, nakatapos sila sa lumba sulod sa upat (4) ka oras ug upat (4) ka minutos ug nasungkit ang 4th Placer-Overall nga pwesto sa tibuok kompetisyon!
Kini nga kadaugan dili lang garbo sa team, kundili garbo usab sa tibuok siyudad sa Panabo. Usa kini ka pagpamatood nga ang kaisog ug espiritu sa serbisyo publiko, mahimo usab nga gamiton sa tinuod nga kalibutan sa adventure ug sports.
BASTA PANABO, PANALO!
A.Dagno
DAVNOR