Abril 08,2021 — Gihatag na ang P1 Million cash assistance alang sa 258 ka mga benepisyaryo sa programang Tulong Panghanapbuhay sa Ating Disadvantaged/Displaced Workers (TUPAD) ubos sa Department of Labor and Employment (DOLE) sa Panabo City Gymnasium. Gikan nanarbaho ang mga maong benepisyaryo og napulo ka mga adlaw pinaagi sa vegetable gardening ug tree planting sulod sa siyudad sa Panabo.

Matod pa ni John Rey Masayon, 31, nga taga Barangay Quezon, “Nalipay ko nga ako usa ka benepisaryo sa TUPAD. Dako kaayo ni og tabang sa akoa ilabi na sa pagtanom nako og gulay.”
Sila napilian gikan sa listahan sa mga barangay extension workers (BEW) ug sa City Environment and Natural Resources Office (CENRO).

Alang sa uban pang impormasyon, mamamahimong mobisita sa PESO Panabo nga nahimutang sa Panabo Parks and Plaza.

|Sonny L. Calizar, CIO – PIRO
📸 | MCG