Nakabenepisyo ang 237 ka mga kabataan sa Barangay New Pandan ug Cagangohan og libreng tuli program ni City Mayor Jose E.Relampagos nga “Tuli mo, Sagot ko” pinaagi sa pakig-alayon sa City Health Office ug 1003rd Brigade. Tumong sa programa nga malibre ang kabataan ug ginikinan sa gasto sa pagtuli sulod sa panahon sa pandemiya.

Nagpasalamat si Grace Cuevas, nga taga Barangay Cagangohan, sa programa tungod nalibre iyang anak sa tuli ug ang tambal niini. “Nakatabang gyud sya og naka save me sa posibleng gasto og wala ni nga programa ni Mayor,” dungag pa ni Cuevas.

Gihangyo sa Barangay Administrative Enhancement Program nga magsuot og facemasks ang mga bata og ginikanan aron masunod ang health protocol batok COVID-19.

Padayon ang programa sa Barangay San Vicente, Sto. Nino, ug San Pedro karong Mayo 7, 2021, adlawng biyernes.

|Gen Alforque – CIO
📸 | MCG