Hulyo 28, 2021 — Sa pagtinabangay sa Lokal nga Panggamhanan pinaagi sa City Environment and Natural Resources Office (CENRO) ug ang mga barangay officials sa Barangay Nanyo, gisugdan ang programang Alalay sa Barangay ” Garbage Collection Services” diin tulo ka adlaw ang gilaan alang sa paghakot og mga basura sa maong barangay gikan Hulyo 27,2021. Kauban sa seremonya si Deputized Barangay Enforcer Honey Joy G. Malakas. Ang kalihokan usa ka pamaagi ni City Mayor Jose E. Relampagos nga mapaabot sa katawhan ang pagmintenar og kahinlo sa mga barangay.

Ginaawhag usab ni SWM Section Head Norollah B. Pelayo ang katawhan nga mahimong responsable sa pagbahin sa mga basura aron dali na lang kini mahakot sa mga personahe sa Solid Waste Management Team (SWM). Dugang niya nga dili hakuton ang mga basurang natapok nga wala na-segregate og tarong.

| Sonny L. Calizar, CIO – PIRO
📸 | SWM – CENRO