Nagpadayon gihapon ang pagpanghatag og Honesty Award sa mga kwalipikadong katawhan human nagpakita og ka maayuhon sa uban. Usa na diri si Anthony Pajota Carumba, usa ka pedicab driver nga taga Purok 6, Barangay Salvacion, Panabo City adtong Hunyo 24, 2022 nahatagan siya og pag-ila sa iyahang talagsaon nga pamatasan tungod sa iyahang inisyatibo na i-uli ang nawalang kabtangan na cellphone nga gipanag-iyahan ni Jhon Lloyd M. Dela Cruz.

Si Carumba ang ika-12 na nakadawat og Honesty Award sa siyudad. Matod pa niya, hapit na matagak ang cellphone sa iyang pedicab unya dali-dali kini niyang gikuha. Dili siya kabalo mogamit sa kabtangan maong nagpatabang siya sa iyang mga kaubanan sa asosasyon ngadto sa may Gaisano Grand Mall of Panabo. Gitudloan siya na moadto sa City Admin Office aron matabangan siya sa pag-uli. “Akong maingon lang kay angay gyud ibalik sa hinungdan ang gamit nga atong nakit-an. Dili nato ni angkunon, dili mani atoa,” ani pa ni Carumba.

Gawas niini, nakadawat usab siya og token, bugas, ug honesty award certificate nagapamatuod na siya nagsilbing ehemplo sa Panaboans na mamahimong matinud-anon sa tanang panahon.

Sa mga gusto mag-uli og nakita nga gamit, adto lamang sa City Administrator’s Office nga anaa sa 3rd Floor, New City Hall, Barangay JP Laurel, Panabo City ug doula si Nilda Cuantioso aron mauli sa tag-iya ug magawaran og pag-ila.

l M. Lagura
Photos: R. Cayas/Q. Villahermosa