Extension sa mga poste gipahamtang sa barangay Kasilak, Katipunan ug San Francisco diin kapin 100 ka pamilya ang nakabenepisyo niini. Kini gipasiogdahan sa BANWAG nga usa ka rural ug urban electrification nga programa ni City Mayor Jose E. Relampagos.

Gibutyag ni BANWAG Program Coordinator Allan Sarabia, “Tumong sa maong pagextend sa mga poste haron makakonekta ang mga tagbalay nga nanginahanlan og kuryente ug makabaton og kahayag ang ilang mga panimalay.” Sa katibok-an, adunay 11 ka poste ang nataod niining mga purok. “Sa Barangay Katipunan Purok 1, adunay tulo ka poste ang gitaod ug 15 ka panimalay ang nakabenepisyo niini. Sa Barangay San Fancisco sa may Davin resettlement, adunay pito ka poste ang gitaod ug 130 ka panimalay ang nakabenepisyo niini. Ug ang Barangay Kasilak na adunay usa ka poste ug unom ka pamilya ang nakabenepisyo niini.”

Alang sa dugang pangutana, contact lang si Allan Sarabia sa mga numero 09460424425, 09091466258, 09303397672, ug 09366655896. Pwede usab magmensahe sa ilang Facebook page @banwagpanabo o sa banwagpanabo@gmail.com o mobisita lang sa BANWAG Program, 3rd Floor, New Panabo City Hall.

| Mel Hilario CIO-PIRO