Hunyo 17,2021 — Nagpadayon ang pagmonitor sa mga business establishments sa siyudad sa Panabo ang mga miyembro sa Panabo IATF Inspection Team kung nagsunod ang mga empleyado ug customer sa public minimum health protocol. Gipangunahan kini ni Licensing Officer Juliet Nacario ug Traffic Management Unit in-charge Alvin Ybanez.

Gipahinumdom sa Lokal nga Panggamhanan sa Panabo sa mga nanag-iya og negosyo o establishemento nga ipatuman ang minimum health protocol aron malikayan pa ang pagdaghan sa kaso sa COVID-19. Kung dili ni mapatuman, adunay rekomendasyon nga temporaryong ipasara kini.

“Motuman lang ta sa balaod human e-apply gyud nato (ang minimum health protocols) sa atoang mga business establishments aron dili mo abot sa punto na masira kay wala kamo nag obey sa Executive Order,” matod pa ni Nacario.

Ubay-ubay nasab ang nakita sa grupo nga nagsunod sa health protocol batok COVID-19 samtang pipila usab ang na isyuhan og citation ticket sa paglabag sa maong balaod.

| Gen Alforque – CIO
📸 | TMU Panabo