Gisikop sa kapulisan ang mga investors sa Mer’s Business Center adtong Hunyo 14,2021 kauban ang Business Permits and Licensing Section. Ang Mer’s Business Center gibawalan sa Security and Exchange Commission (SEC) nga magpalakaw tungod wala silay insaktong mga dokumento isip usa ka negosyo nga nagahatag og 30% interest sa ilang mga investors matag bulan.

Matod pa sa kapulisan, nakuha kanila ang P30,000.00 nga ge-invest sa nag reklamo ug nakaplagan kanila ang P477,000.00 nga gitouhang gikan sa mga nag-invest kanila. Sikop sa operasyon sila (1) D.Bayeta, 61 anyos, manager, si (2) E. Delos Santos, 56 anyos, ug (3) J. Palma, 29 anyos, nga taga General Santos City.

Ang tulo ka personahe, nga puros dili taga-Panabo City, gipaatubang ni PLTCOL Atty. Verna L. Cabuhat kay City Mayor Jose E. Relampagos bago sila gihatod sa prisohan sa PNP Station.

Gipahimangnoan ang katawhan sa siyudad sa Panabo nga mag-igmat ug dili dayon mo-invest sa mga negosyo nga wala pa sutaha kung lehitimo o adunay mga dokumentong nagpamatoud nga legal ang maong negosyo.

Nanawagan usab ang PNP Panabo sa mga biktima niini nga modoul kanila aron sa pagpasaka og kaso sa tulong dinakpan.

Ang Mer’s Business Center nahimutang sa Hugh-Han Commercial Building, Purok 4A, Barangay San Francisco, Panabo City.

|Ivory Dawn Balogbog, CIO-PIRO
📸|AC