LIVE kagabii, Nobyembre 26,2021, ang gipahitabong pinakaunang Inter-School News Broadcasting Competition sa siyudad sa Panabo. Gilangkoban kini og mga estudyante gikan sa mga senior high school ug colleges sa siyudad.

Ang mga mananaog mao sila Britney Glycinne Egot nga taga Panabo City National High School gawas sa 18 ka mga partisipante ug Jessel Gepiga nga taga Davao Del Norte State College gawas sa 11 ka mga partisipante. Sila gihusay base sa ilang delivery sa binisaya, filipino (Tagalog), ug english nga mga balita.

Gihatagan ang kada usa og usa (1) ka minuto para magbalita atubangan sa mga judges nga sila dating ABS-CBN reporter ug kasamtangan nga news producer sa PTV Vina Araneta-Pilapil, Journalist ug Broadcaster John Paul Seniel, ug City Information Officer Michael Angelo A.Resueño. Opisyal tabulator si Joanna Cheryll S.Silagan, CPA, nga Internal Auditor sa LGU.

Sa kalihokan, gi launch ang unang Local Media Board pinaagi kay Jo-Anne R.Capuyan isip representante ni City Mayor Jose E.Relampagos. Duyog sa pag-launch mao sila Gilbert Bacarro ug Frank Cinco nga mga local media, ug ang Information Officer.

Ang Local Media Board gitahasan nga maghimo ug polisiya ug magbantay sa mga programa ug sinuwatan sa radyo, TV, ug newspaper, lakip na ang social media, sa mga butang nga makadaot sa pagkatao sa mga kababayen-an ug unsa man nga gender.

Ang kalihokan namugna tungod sa pagselebrar sa impormasyon sa tibook nasod.

| City Information Office Panabo