Nagpahigayon ang Commission on Population (POPCOM), kauban ang Population Management Unit sa City Health Office, og Philippine Population Management Program (PPMP), Localization, and Institutional Strategy sa LGU Panabo aron makahatag og kaamgohan kabahin sa population issues ug concern. Gipahitabo kini adtong Mayo 26, 2021 sa Function Hall, 3rd Floor, Panabo City.

Matod pa ni Population Program Officer III, Lorelie R. Oriol,”Part sa Localization and Institutional Strategy gi-present sa POPCOM (kay) kung unsa ang role sa LGU’s nga angay buhaton para sa implementation sa Mandanas (Case) nga mahatagan og suporta ang atong population implementation program.”

Giingon usab ni Oriol na gibuhat nila ang maong aktibidades aron makahatag og awareness sa mga lokal partners diin aduna silay mga strategies ug lakang na gibuhat sama sa pagkunhod sa teenage preganancy ug uban pa.

Gitambongan ang kalihokan nila Executive Assistant Jo-Anne R. Capuyan isip representante ni City Mayor Jose E. Relampagos, mga department heads, ug mga representate sa ubang opisina sa LGU Panabo.

Ang POPCOM usa ka ahensiya sa gobyerno nga gimandoan sa pag-monitor ug paghimo sa polisiya kabahin sa populasyon ug nagpasiugda sa mga kalihokan sa populasyon.

|Ivory Dawn Balogbog, CIO-PIRO
📸|Sonny Calizar Jr.