November 21, 2022 — Gibista sa LGU Banaybanay, Davao Oriental ang LGU Panabo mahitungod sa mga good practices sa technical skills ug livelihood programs ilawom sa Public Employment Service Office (PESO) ilabi na ang paghatag og saktong kalidad sa Technical Vocational Education and Training (TVET). Ilaha kining planong iimplementa alang sa mga katawhan sa Probinsya sa Davao Oriental. Gipahigayon ang pagbisita sa 3rd Floor Function Hall, New City Hall Panabo.

Gilatag ni Community Skills Training Livelihood and Enterpreneurship Program (CSTEP) Focal Person, Lysander V. Gran, isip representante ni PESO Manager Cherelle B. Espinosa, nga aduna nay 149 ka mga trainings ang ilaha nang napahigayon.

Anaa usab si Executive Assistant III Jo-Anne Relampagos Capuyan nga nagpaabot sa pasalamat ni Mayor Relampagos sa taga LGU Banaybanay nga napili nila ang LGU Panabo nga maoy himuong sumbanan sa plano nga pagahimuong skills training sa ilang munisipyo.

Si Municipal Agriculturist Ester M. Solamo kauban ang ubang partisipante ang nagpasalamat sa madasigon nga pag abi-abi kanila.

Anaa sa kalihokan si Councilor Engr. Ronald Ang isip Chairperson sa Committee on Labor, Employment, and Manpower Development. Anaa usab si Acting Regional Director/Provincial Director-Davao Oriental Remegias G. Timonio,Ed. D.,CEO VI, Wena C. Tinio nga gikan sa TESDA, Labor and Employment Assistant Glory Grace E. Trinidad ug si Labor and Employment Officer I Mr. Keir Jay S. Balingan.

✍️Dolly G. Amag
📸Quinn Villahermosa