Opisyal nang gi abrihan ang 18 ka mga adlaw nga kampanya batok sa pag-pangabuso sa mga kababayen-an kun 18-Day Campaign to End Violence Against Women (VAW) adtong Nobyembre 25,2021 sa ABC Hall. Ang kampanya hingpit nga mosuporta sa adbokasiya nga labanan ang mga karahasan sa mga kababaihan hilabi na nga naga perminti gihapon ang problema og aduna gyud kaso matala niini.

Gipangunahan ni Libertad V. Regis, Gender and Development Office In- Charge, ang pag abli sa programa inubanan sa supporta ni City Mayor Jose E. Relampagos nga gi representa ni Executive Secretary to the City Mayor Jose E. Relampagos. Iyang gipaabot ang pasalamat sa tanang staff sa GAD Office apil na usab ang nagkadaiyang VAW officers sa matag barangay sa siyudad sa Panabo ug ang gender advocates sa kada opisina sa LGU. Dugang pa ni niya, “Lets regularize sa tumong aning nga programa ang pag protekta sa mga kababaihan.”

Nagpahibalo usab si Panabo Police Station Chief of Police, PLTCOL Atty.Verna L. Cabuhat sa importansya sa mga kababaihan ug mga pamaagi nga mahatagan og tagad ang mga nagkadaiyang problema nga gi atubang sa mga women sector. “Find your voice become a woman that can stand the test of time molded by the lessons learned,” sumala pa ni Cabuhat.

Aduna usab gipahigayon nga seminar alang sa mga bisita kabahin sa “Coping Up Mental Stress Amidst Pandemic Crisis” nga gi hatag ni Dr. Rachelle Jan Lobino usa ka Psychiatrist ug Medical Consultant.
Anaa usab si City Councilor Hon. Gregorio U.Dujali, III, mga VAW officer sa matag Barangay sa siyudad sa Panabo, ug mga piniling dinapit nga bisita.

Laoman na sa sulod sa 18 ka adlaw, adunay pagahitabuon nga kalihokan nga pangunahan sa mga nagkalaing opisina sa LGU Panabo ug mga nasyonal nga ahensiya.

Gi awhag ang katawhan nga magsuporta sa maong kalihokan arong ma undang ang kriminalidad sama sa pagpangabuso. Pagahitaboon ang kampanya hantod December 10,2021.
Ang kampanya gipangunahan ni Gender and Development Office.

| Gene A – CIO/PIRO
📸 – Rommel Cayas