Kinasingkasing nga mihatag si City Mayor Jose E.Relampagos, gamit iyang personal nga pundo, og mga air conditioning unit sa mga pampublikong opisina ug mga eskwelahan aron haruhay ang ilang operasyon lakip na alang sa ilang mga kliyente o bisita.

Usa ang PNP Panabo Outpost sa may palengke ang nabutangan og bagong air conditioning unit gikan kay Mayor human na turn-over niya ang opisina sa kapulisan adtong Hunyo 23,2021. Nakabenepisyo usab ang San Vicente Elementary School, Buenavista Elementary School, Tagpore Elementary School, ug uban pa.

Gawas sa mga tulonghaan, nabutangan usab ang mga barangay halls sama sa Barangay Buenavista, Barangay San Vicente, ug Barangay San Nicolas.

Nagsaysay si Chief of Police PLTCOL Atty. Verna L.Cabuhat sa iyang pagpasalamat kay Mayor Relampagos pinaagi sa Ang Panabo Karon radio program sa 91.1FM. Ingon pa niya, “Dako gyud ang suporta ni Mayor Joe alang sa kaayohan ug kahapsay sa atong siyudad.”

Sumala pa ni BANWAG Program Coordinator Allan Sarabia nga andam mutabang si Mayor Relampagos alang sa mga public services nga nagaserbisyo sa katawhan. “Ang atong halandong Mayor Jose E. Relampagos kanunay nagatan-aw sa mga panginahanglon para sa atoang mga gambalay nga nagserbisyo sa publiko,” dugang pa ni Sarabia.

Alang sa mga gusto makabenepisyo sa libreng serbisyo ni Mayor Joe, makig-alayon lamang sa BANWAG Panabo nga nahimutang sa 3rd Floor, New City Hall, Panabo City.

| Sonny L. Calizar, CIO – PIRO
📷 | BANWAG Program Section