Dugang kaalam alang sa mga VAWC officer sa matag barangay ang balaod bahin sa Anti-Child Labor Law o Republic Act 7610 o “Special Protection of Children Against Abuse, Exploitation and Discrimination Act” nga gipahigayon adtong August 18, 2020 sa ABC Hall, Panabo City.

Si DOLE XI Community Facilitator Dave Andrei A. Villegas miingon nga labag gihapon sa balaod ang pagpatrabaho sa mga batang nag edad og 18 anyos ug paubos maskin adunay pagtugot sa ginikanan. “Dili nato e deprive ilang right as a child nga maka skwela kay katungod sa mga bata nga mo skwela og pa skwelahon sa ilang ginikanan,” sumala ni Villegas.

Sa ilang gihimong profiling sa Panabo City sa 2019, adunay 183 ka kaso sa Child Labor na ang natala. Tungod niini, adunay gi hatag nga livelihood program ang DOLE kauban ang PESO Panabo alang sa unang batch o 50 ka tao. Kini gihatag sa mga ginikanan sa mga biktima isip panginabuhian nila.

Gen Alforque – CIO/PIRO
📸 – June Geraldo