Agosto 11, 2022 – Nakabenepisyo ang 126 ka mga batan-ong lalaki sa Barangay Maduao, Upper Licanan, Little Panay ug Katipunan sa programa ni City Mayor Jose E. Relampagos nga “TULI MO, SAGOT KO” nga gipahitabo sa Barangay Maduao Covered Court Gym.

Sa programang libreng tuli sa mga batan-ong lalaki anaa sad sila’y madawat nga libreng tambal gikan sa opisina ni City Mayor Jose E. Relampagos.

Sa mga residente nga anaa sa programa, nag hatag usab og libreng pa Arroz Caldo si Mayor Joe ug libreng gupit gikan sa 1003rd Brigade ug 89th IB.

Malampuson gipahigayon kini kauban sa opisina sa Barangay Administrative Enhancement Program (BAEP) hinubanan sa City Health Office (CHO), 1003rd Brigade, 89th IB ug Revitalized Pulis sa Barangay (RPSB).

Sunod bisitahon sa Tuli Team alang sa libreng tuli karong Agosto 15, 2022 adlawng Lunes, mao ang mga batan-ong lalaki gikan sa Barangay Cacao, Kauswagan, Waterfall, Consolacion ug Malatives, nga ipahitabo sa Barangay Consolacion Covered Court Gym.

| M. Gentiles
📸 R. Tinaco