Disyembre 1, 2021 – Nagpahigayon og Mushroom Production Orientation ang opisina sa Panabo City Investment Promotion Center sa pakig-alayon sa Gender and Development Office (GAD) alang sa mga sa registered cooperatives, PNP Panabo ug mga Parent Leaders sa 4Ps nga gipahitabo sa RJ3 Traveler’s Dine, Panabo City.

Ang kalihokan gimugna aron mahatagan og kaalam ang mga tao nga magamit sa pagpalambo sa ilang kahimtang diin posibleng makahatag og oportunidad kanila nga magamit pang-negosyo.

Anaa ang City Agriculture Office pinaagi ni Ahlen C. Pamplona, RA, sa pagpanghatag og diskusyon sama sa paghisgot sa mga lain-laing klase sa Mushroom, mga benepisyong makuha, ug mga dapat ug di dapat buhaton sa prosesong pagtanom niini. Ingon niya, “Adunay mga ikonsidera kung magtanom og mushroom, kinahanglan nga disiplinado ang kahinlo sa kamot ug palibot kay even gamay lang na hugaw ang masulod niini, ang produksyon nimo sa mushroom maapektuhan.”

Mapasalamaton usab si Vivian Asumbrado, usa sa mga partisipante nga taga Barangay Kasilak, “Gusto gyud mi makabalo unsaon paghimo o pagtanom aning mushroom na madala namo sa among ka-barangayan ug tungod niini, nahatagan mig kasayoran.”

Anaa sa kalihokan si Assistant City Administrator Brenda A. Sauping isip representante ni City Mayor Jose E. Relampagos, GAD-OIC Libertad V. Regis, Project Development Officer Brian G. Delusa, Sr. Business Councilor DTI-Panabo Michael Bumaya, ug si PLTCOL Atty. Verna L. Cabuhat.

Subay ang kalihokan sa 18-Day Campaign to End Violence Against Women 2021 na adunay temang, “VAW Free Community Starts With Me”.

l M. Lagura
Photos: Quinn Villahermosa