LOOK | Nagpahigayon og 2-Day PCHGEA Strategic Planning and Policy Review ang mga opisyales ug Board of Trustees sa Panabo City Hall Employees Association (PCHGEA) didto sa JRJ Beach House, Pantukan, Davao de Oro.

Sa pagpangulo nila PCHGEA President Edward Alilin ug Vice President Jetro Bulawan, ilang gituki aron mapalambo ang mga palisiya sa employees’ union aron kini mahaom sa kasamtangang panginahanglan sa mga empleyado.

Sakop sa mga palisiya nga gihisgotan mao ang Collective Negotiation Agreement (CNA), programa sa pabalay, constitution and by-laws ug uban pa.

Naghan-ay usab og eskedyul ug financial plan sa mga kalihokan sa PCHGEA sama sa SporTalento palaro and talent fair, medical check-up, libre nga review sa civil service exam alang sa mga empleyado ug uban pang mga aktibidades.

Nagplano usab sila nga mag-establisar og employees’ help desk sa sulod sa city hall aron mahimong dangpanan, mohatag og tambag-legal ug uban pang mga tabang alang sa mga empleyado.

Naghinaot ang mga opisyales sa PCHGEA nga maimplementar ang mga programa ug kalihokan sa tuig 2023 uban sa makanunayong suporta sa administrasyon ni Mayor Jose Relampagos aron makatabang sa mga empleyado aron sila mas madasig moserbisyo sa katawhan.

🖋️📸 Erick Etis – Multimedia Unit / CIO Panabo