Nagpahigayon ang Lokal nga Panggamhanan, pinaagi sa City Veterinary Office (CVO) kauban ang Provincial Veterinary Office, og Barangay Animal Health Care Extension Services sa Barangay Kasilak adtong Hulyo 08,2021. Adunay 154 ka mga pet owners, livestock ug poultry raisers ang nakabenepisyo sa programa nga nagpahigayon og pet registration, rabies vaccination, vet consultation, animal deworming, vitamin injection, ug paghatag og tambal alang sa mga alagang hayop.

Tumong niini nga makatabang sila sa mga katawhan nga masmapadali ang ilang produksyon ug masigurado ang kahimsog sa ilang mga hayop. Isa pud kining lakang alang sa anti-rabies campaign sa siyudad sa Panabo.

Sumala pa ni City Veterinarian Dr. John Ray A. Bautista nga importante ang paghatag og tabang alang sa mga livestock ug poultry raisers tungod usa sila sa mga prodyuser og pagkaon ilabi na nga nagsagubang pa ang siyudad sa pandemya sa COVID-19. Dugang pa niya, “Our local backyard raisers are considered as the backbone sa atoang economy. Sila pud ang nagasuporta sa pag sustenar sa atong food availability sa atong siyudad.”

Target sa CVO nga malibot ang tibook barangay sa Panabo City sa paghatod sa maong serbisyo.

Moabante ang Barangay Animal Health Care Extension Services sa Barangay San Roque sa Hulyo 13,2021.

| Sonny L. Calizar, CIO – PIRO
📷 | City Veterinary Office