Mayo 20, 2021 – Padayon ang pagpahibalo sa mga kabataan kabahin sa mga negatibong epekto sa paggamit sa ilegal nga droga ug pag-apil og mga kalihokan nga maka daot sa katilingban pinaagi sa Kabataan Kontra Droga at Terorismo (KKDAT Symposium) sa Barangay Malativas, Panabo City. Nanguna sa kalihokan ang Panabo City Police Station – Provincial Community Affairs and Development Unit (PCADU).

Matod pa sa usa ka partisipante nga si Ame Charles F.Banda, “Nadungagan ang among kaalam sa cause and effects sa drugs. Nakatabang pod ang programa para mag less ang mga kabatan-onan na maggamit og droga.”

Ginabuhat ang maong lakang matag barangay sa Panabo City para mapalayo ang mga kabatan-onan gikan sa paggamit og illegal nga droga ug pag-apil sa mga aktibidades sa terorismo gumikan nga sila ang pinakadali madani niini.

Matod pa ni PCMS Randy E.Sta. Maria na ang kawad-on, walay maayong relasyon sulod sa panimalay, kakulang sa kahibalo, ug pagpamugos sa isig kaingon ang kasagaran nga rason sa pag gamit sa usa ka indibiduwal og illegal na droga ug pag-apil sa aktibidades sa terorismo.

| MJ CURAMING – GIP
📸|GENEVIEVE ROSE ALFORQUE