Nakigpulong si City Mayor Jose E.Relampagos pinaagi kay City Administrator Pedrito A.Misoles sa 18 ka mga empleyado adtong Abril 08,2021 sa usa ka piggery business sa Barangay Tagpore nga na apektohan sa African Swine Fever (ASF). Sa inisyal nga detalye, kapin libo ka mga baboy ang gikatay tungod sulod sila sa one (1) radius quarantine zone gikan sa gimonitor nga lugar nga adunay nag positibo as maong sakit.

Matod pa ni Misoles, adunay mga programa ang gobyerno nga makatabang sa ilang panginabuhian. Lakip niini ang TUPAD Program sa Department of Labor and Employment, assistance usab gikan sa Department of Agriculture ug Department of Social Welfare and Development.

Duyog kanila si PESO Manager Cherelle B.Espinosa ug iyang mga staff, Dr. Alma Hechanova sa City Veterinary Section, Gender and Development Officer Libertad Regis, ug City Information Officer Michael Angelo A.Resueno.

| city information office